Actualidad

Actualidad

Actualidad

13/03/2014

42 Premios Minerva

 Coa chegada do novo ano volve un dos Premios Literarios máis prestixiosos para creadores novos no panorama cultural galego, os Premios Minerva. Coma sempre os alumnos convidados a participar son aqueles que estean a realizar os seus estudos de 3º, 4º de ESO e Bacharelato en calquera centro galego; e non teñan cumpridos os 20 anos en decembro de 2014. Poderán presentar os seus traballos en galego nas modalidades de:

 -Poesía, cun conxunto de tres poemas de temática e forma libre.
 -Narración, de tema libre, cunha peza cunha extensión máxima de seis folios mecanografada a dobre espazo.

 Tódolos traballos deben ser orixinais e enviaranse segundo as bases que poden atopar ao final deste mesmo artigo. O prazo de entrega rematará o vindeiro 14 de marzo de 2014 e o fallo do xurado farase público dende esta web o 25 de abril. Como é tradición este xurado estará composto por escritores e profesores de lingua galega de distintos centros, e comunicacremos a súa composición con anterioridade á emisión do seu veredicto.

 Os tres premios de cada modalide están dotados de 600, 400 e 250 € respectivamente. Aos galardoados faraselles tamén entrega dunha medalla de prata conmemorativa e as súas obras serán publicadas polo Colexio.

Esperámoste!