Éxito da campaña de Nadal coa doazón de mais de 2.000 quilos e case 1.000 euros ao Banco de Alimentos

A Asociación de Nais e Pais de Alumnos (ANPAP) do Colexio M. Peleteiro e Dolores Ramos levou a cabo un ano máis a campaña de Nadal, neste caso en beneficio do Banco de Alimentos de Santiago, que a súa vez colabora con outras entidades benéficas como Cáritas e a Cociña económica.

Na semana do 12 ao 16 de decembro os alumnos do colexio e as súas familias reuniron 2.156 quilos de alimentos e produtos de primeira necesidade. Neste ano a petición foi a recollida de aceite e doces navideños, e houbo unha moi boa resposta por todas as familias. Tamén tivemos aportacións económicas directas ao Banco de Alimentos, en total 830 euros.

A ANPAP do Colexio Manuel Peleteiro e Dolores Ramos destaca emocionada o compromiso dos alumnos, que colaboraron en todo momento de xeito exemplar co desenvolvemento da campaña. Na última semana de clase fíxose entrega do doado ao Banco de Alimentos de Santiago nun acto no Colexio Manuel Peleteiro ao que acudiron alumnos voluntarios de sexto de primaria o director da entidade, José Pita, profesores, a dirección do centro e representantes da ANPAP.

Dende a ANPAP destácase a traxectoria exemplar das familias e dos alumnos do Colexio M. Peleteiro en cada chamamento á solidariedade que se ven facendo ano tras ano, así como o compromiso da comunidade educativa e da dirección do centro.