Éxito da campaña de Nadal no Colexio M. Peleteiro coa doazón de preto de 5.000 quilos ao Banco de Alimentos

A Asociación de Nais e Pais de Alumnos (ANPAP) do Colexio M. Peleteiro – Dolores Ramos levou a cabo un ano máis, coa colaboración do colexio, a campaña de Nadal, neste caso en beneficio do Banco de Alimentos de Santiago. 

Na semana do 13 ao 17 de decembro os alumnos do colexio e as súas familias reuniron 4.663 quilos de alimentos, produtos de hixiene persoal e limpeza. A campaña recibiu por lema #peleteirosolidario.

A ANPAP do Colexio Manuel Peleteiro – Dolores Ramos destaca emocionada o compromiso dos alumnos, que colaboraron en todo momento de xeito exemplar co desenvolvemento da campaña. Na mañá de hoxe, martes 21 de decembro, foron entregados ó Banco de Alimentos de Santiago nun acto no Colexio Manuel Peleteiro ao que acudiu o director da entidade, José Pita, alumnos, profesores, a dirección do centro e representantes da ANPAP.

Dende a ANPAP destácase a traxectoria exemplar das familias e dos alumnos do Colexio M. Peleteiro en cada chamamento á solidariedade que se ven facendo ano tras ano, así como o compromiso da comunidade educativa e da dirección do centro.