Fallo dos XLI Premios Literarios ¨Minerva¨ 2013
Acta do xurado:
O xoves día 18 de abril, reuniuse o xurado encargado de fallar os Premios Literarios Minerva na súa XLI edición, presidido por D. Manuel Quintáns Suárez e D. Luís Alonso Girgado nas modalidades de narración e poesía respectivamente.
Entre un total de 170 traballos presentados, 111 na modalidade de narración e 59 na de poesía, resultaron finalistas 34 narracións e 25 triloxías poéticas. Desta obra o xurado acordou outorgar os seguintes premios:
MODALIDADE DE NARRACIÓN
1º Premio, de 600 euros e medalla de prata conmemorativa do Certame, a María Elena López González, de 18 anos, alumna de 2º de Bacharelato do IES Xograr Alfonso Gómez de Sarria, polo seu relato “Trigres azuis no mar de Andamán”.
2º Premio, de 400 euros e medalla de prata conmemorativa, a Román Pérez Santalla, de 16 anos, alumno de 4º de ESO do Colexio Apóstol Santiago (Xesuitas) de Vigo, pola súa obra “Moscova 2093”.
3º Premio, de 250 euros e medalla de prata conmemorativa, a Iria Iglesias Martínez, de 17 anos, alumna de 2º de Bacharelato do IES Campo de San Alberto de Noia, pola súa narración titulada “Disturbia”.
O Xurado acordou outorgar:
1º Accésit a Alba Sofia Naseiro Lamas, de 17 anos, alumna de 1º de Bacharelato do IES Basanta Silva de Vilalba, polo seu traballo “A Ratoeira”.
2º Accésit a María Elena López González, de 18 anos, alumna de 2º de Bacharelato do IES Xograr Alfonso Gómez de Sarria, polo seu traballo “A Tránsfuga”.
3º Accésit a Javier Rivas Rodríguez, de 16 anos, alumno de 1º de Bacharelato do IES Carballo Calero de Ferrol, polo seu traballo “Habitación 202”.
MODALIDADE DE POESÍA
1º Premio, de 600 euros e medalla de prata conmemorativa deste certame literario a Brais Lamela Gómez, de 19 anos, alumno de Bacharelato Internacional en UWC ADRIATIC, pola súa triloxía “Cadernos vermellos”.
2º Premio, de 400 euros e medalla de prata conmemorativa, a Afonso Francisco Traficante Fernández, de 17 anos, que cursa 2º de Bacharelato do IES Antón Fraguas de Santiago, polo seu poemario titulado “Paxaros de altos voos”.
3º Premio, de 250 euros e medalla de prata, a María Elena López González, de 18 anos, estudante de 2º de Bacharelato no IES Xograr Alfonso Gómez de Sarria, polo seu traballo “Tres sombras ”.
O Xurado acordou outorgar os seguintes
1º Accésit, a Ignacio Delgado Ferreiro, de 17 anos, alumno de 2º de Bacharelato do Colexio Compañía de María da Coruña, pola súa obra “Entartete Kunst”.
2º Accésit, a Marcela Porto Mato, de 16 anos, estudante de 4º de ESO do Colexio Manuel Peleteiro de Santiago, pola súa triloxía presentada baixo o título de “Ti a Termomix e a Literatura”.
Como resultado do debate que deu lugar á elección dos premios e dos finalistas, o xurado de poesía tivo ocasión de comprobar que os poemas premiados son dunha extraordinaria calidade o que parece garantir o futuro da poesía galega. Sorprende, tamén, a cultura poética dos premiados dada a súa mocidade.