O xurado dos Premios Literarios Minerva, organizados polo Colexio M. Peleteiro, reuniuse onte, xoves 29 de febreiro, para ditar o fallo da edición número 52 dos recoñecidos galardóns (membros do xurado ao final deste documento).

Os alumnos de 3º, 4º de ESO, Bacharelato e Formación Profesional de Galicia tiveron a oportunidade de presentar os seus textos ata o 17 de xaneiro, coa condición de que foran orixinais, inéditos e por suposto, en galego, xa que con este certame trátase de contribuír ao fomento do uso da lingua no ámbito educativo e a impulsar a literatura entre os mozos.

O xurado destacou a calidade das obras poéticas e dos relatos premiados, que semella garantir o futuro das nosas letras. “O nivel dos traballos premiados é unha boa mostra da puxanza e da forza deste talento novo que, coma sempre, agardamos que se sume á ampla relación de autores e autoras xa  recoñecidos que comezaron a súa traxectoria nos Premios Minerva, como Xesús Rábade, Darío X. Cabana, Suso de Toro, Xavier Queipo, Neira Cruz, Berta Dávila, Olga Novo, Ismael Ramos ou Alba Guzmán, entre tantos autores e autoras xa imprescindibles das nosas letras”, sinalou o secretario do certame e profesor do Colexio M. Peleteiro Mon G. Buhigas.       

A entrega de premios está prevista para o vindeiro 11 de abril nun acto literario no Colexio M. Peleteiro. Os autores premiados lerán unha parte da súa obra como adianto á publicación do libro que recollerá integramente os traballos, editado polo Colexio M. Peleteiro.

AS OBRAS PREMIADAS

En concreto, na modalidade de narración resultaron 18 traballos finalistas e na de poesía, 19. Desta obra, o xurado acordou outorgar os seguintes premios:

Modalidade de NARRACIÓN

Ø  1º PREMIO: Pablo González Faginas, de 16 anos, alumno de 1º de Bacharelato do  Colexio Obradoiro de A Coruña, polo seu relato O Veloso. Premio de 800 euros e medalla conmemorativa do certame.

Ø  2º PREMIO: Almudena Souto Pereiro, de 17 anos, alumna de 2º de Bacharelato do IES Rosalía de Castro de Santiago de Compostela, pola súa obra Setenta e dúas pesetas. Premio de 400 euros e medalla conmemorativa.

Ø  3º PREMIO: Rosalía Bernárdez Riopedre, de 17 anos, alumna de 2º de Bacharelato  do IES Leiras Pulpeiro de Lugo, pola súa narración titulada Verba Volant. Premio de 250 euros e medalla conmemorativa.

v  1º ACCÉSIT: Celia López Quintela, de 15 anos, alumna de 4º de ESO do IES de Quiroga, polo seu traballo Escoitando .

v  2º ACCÉSIT: Abril Viqueira Pose, de 17 anos. Cursa 2º de Bacharelato no IES de Ordes, pola súa obra Silencio.

Modalidade de POESÍA

Ø 1º PREMIO: Rosalía Bernárdez Riopedre. Cursa 2º de Bacharelato no IES Leiras Pulpeiro de Lugo, polo seu traballo Distraccións. Premio de 800 euros e medalla conmemorativa.

Ø 2º PREMIO: Iris Abril Teijeira, de 17 anos, de 2º de Bacharelato do IES Salvaterra de Miño, polo seu traballo Litoral catártico (Versos noctámbulos á deriva). Premio de 400 euros e medalla conmemorativa.

Ø 3º PREMIO: Claudia Caamaño Rama, de 17 anos. Cursa 2º de Bacharelato no Colexio Calasanz PP Escolapios de A Coruña, polo seu poema A miña avoa. Premio de 250 euros e medalla conmemorativa.

v 1º ACCÉSIT: María Maronho, de 15 anos de 4º de ESO do CPI Fonte Díaz de Touro, pola súa obra Na mente da muller.

v 2º ACCÉSIT: Pablo Loira Hermida, de 17 anos, de 1º de Bacharelato do IES Johan Carballeira de Bueu, polo seu traballo Tolemias do noso señor.

v 3º ACCÉSIT: Amalia Blanco Pose, de 17 anos, de 2º de Bacharelato do IES Terra do Xallas de Santa Comba,  polo seu traballo Morriña de min.

OS MEMBROS DO XURADO